cm ਮਾਨ ਨੇ ਕੀਤਾ ਵੱਡਾ ਐਲਾਨ,ਪੰਜਾਬ ਦੇ ਸਰਕਾਰੀ ਸਕੂਲਾਂ ਦੇ 6 ਵਿਦਿਆਰਥੀ ਜਾਣਗੇ ਜਪਾਨ
Sep8,2023 | Surinder Dalla | Chandigarhਭਗਵੰਤ ਮਾਨ ਨੇ ਇੱਕ ਹੋਰ ਅਹਿਮ ਐਲਾਨ ਵਿਚ ਕਿਹਾ ਕਿ, ਜਪਾਨ ‘ਚ ਹੋਣ ਵਾਲੇ ਸਾਇੰਸ ਮੇਲੇ ‘ਚ ਪੂਰੇ ਦੇਸ਼ ‘ਚੋਂ 60 ਬੱਚੇ ਜਾਣਗੇ, ਜਿਸ ‘ਚੋਂ 6 ਬੱਚੇ ਪੰਜਾਬ ਦੇ ਸਰਕਾਰੀ ਸਕੂਲਾਂ ਦੇ ਹਨ, ਜੋ ਜਪਾਨ ਦੇ ਸਾਇੰਸ ਮੇਲੇ ਵਿਚ ਹਿੱਸਾ ਲੈਣਗੇ। ਮਾਨ ਨੇ ਇਹ ਵੀ ਆਖਿਆ ਕਿ, ਅਸੀਂ ਸਾਡੇ ਅਧਿਆਪਕਾਂ ਨੂੰ ਪੜ੍ਹਾਈ ਦੇ ਵੱਖੋ-ਵੱਖ ਤਰੀਕੇ ਸਿੱਖਣ ਲਈ ਵਿਦੇਸ਼ਾਂ ‘ਚ ਭੇਜ ਰਹੇ ਹਾਂ। ਇਸ ਦੇ ਨਾਲ ਹੀ ਮਾਨ ਨੇ ਕਿਹਾ ਕਿ, ਪੰਜਾਬ ਦੇ ਸਰਕਾਰੀ ਸਕੂਲਾਂ ‘ਚ 1,000 ਨਵੇਂ ਕਲਾਸ ਰੂਮ ਬਣਾਏ ਜਾਣਗੇ ਤੇ 10,000 ਦੀ ਮੁਰੰਮਤ ਕੀਤੀ ਜਾਵੇਗੀ। ਭਗਵੰਤ ਮਾਨ ਨੇ ਇੱਕ ਹੋਰ ਅਹਿਮ ਐਲਾਨ ਵਿਚ ਕਿਹਾ ਕਿ, ਹੁਣ ਪੰਜਾਬ ਦੇ ਸਰਕਾਰੀ ਸਕੂਲਾਂ ‘ਚ ਤੱਪੜ ਨਹੀਂ ਮਿਲਣਗੇ, ਸਾਰੇ ਸਕੂਲਾਂ ‘ਚ ਨਵਾਂ ਫਰਨੀਚਰ ਉਪਲਬਧ ਕੀਤਾ ਜਾਵੇਗਾ। ਸਿੱਖਿਆ ਲਈ ਪੰਜਾਬ ‘ਚ ਇੱਕ ਰੁਪਏ ਦੀ ਵੀ ਘਾਟ ਨਹੀਂ ਆਉਣ ਦਿੱਤੀ ਜਾਵੇਗੀ।
Cm-Mann-Made-A-Big-Announcement-6-Students-From-Punjab-Government-Schools-Will-Go-To-Japan
